წესები და პირობები

https://aurelio.ge-ზე სათანადო წვდომისთვის და გამოსაყენებლად, გთხოვთ, გაეცნოთ და დაეთანხმოთ წინამდებარე შეთანხმებას

შპს „პრაიმ რითეილ გრუპ”-ის ვებ-გვერდის მოხმარებისთვის დადგენილი წესები, პირობები და განცხადებები

წინამდებარე ვებ-გვერდის მოხმარებისთვის დადგენილი წესები, პირობები და განცხადებები (შემდეგში „სამომხმარებლო შეთანხმება“ ან უბრალოდ „შეთანხმება“) ფორმდება შპს „პრაიმ რითეილ გრუპ”-სა (შემდეგში „Aurelio“ ან/და „კომპანია“ ან/და „გამყიდველი“ ან/და „ჩვენ“) და იმ მომხმარებლებს (შემდეგში: „მომხმარებელი“ ან/და „მყიდველი“) შორის, რომლებსაც სურთ „Aurelio“-ს ვებ-გვერდზე, მობილურ აპლიკაციებზე, სხვა პლატფორმებზე (შემდგომში „ვებ-გვერდი“) და პროდუქტზე წვდომის მოპოვება, მათი გამოყენება, შეძენა და სერვისების მიღება.

კომპანიის რეკვიზიტები/საკონტაქტო ინფორმაცია:

• კომპანიის დასახელება: შპს „პრაიმ რითეილ გრუპ“;

• საიდენტიფიკაციო ნომერი: 405118894;

• კომპანიის რეგისტრაციის ქვეყანა: საქართველო;

• იურიდიული მისამართი: მოსაშვილის ქ. #2, თბილისი, საქართველო, 0179;

ვებ-გვერდით სარგებლობასა და სხვა საკითხებთან დაკავშირებით შეგიძლიათ დაუკავშირდეთ კომპანიის  მომხმარებელთა მომსახურების ცენტრს ტელეფონის ნომერზე: +995 74 26 29 ან  ელ. ფოსტაზე: [email protected]; [email protected]

მომხმარებლის რეკვიზიტები/საკონტაქტო ინფორმაცია: წინამდებარე შეთანხმების ან ნებისმიერი სხვა დოკუმენტის მიზნებისათვის, რომელიც დაკავშირებულია ვებ-გვერდის გამოყენებასთან, იგულისხმება რომ ინფორმაცია ან პერსონალური მონაცემები, რომლებსაც მომხმარებელი მოგვაწოდებს, არის ნამდვილი და ზუსტი.

გაითვალისწინეთ, რომ როდესაც იყენებთ ვებ-გვერდს, თქვენ ეთანხმებით თქვენს მიერ მოწოდებული ინფორმაციისა და პერსონალური მონაცემების დამუშავებას. ასეთი ინფორმაცია/მონაცემები მუშავდება წინამდებარე შეთანხმებისა და ვებ-გვერდზე განთავსებული პერსონალური მონაცემების, კონფიდენციალურობის პოლიტიკის (შემდგომში ერთობლივად მოხსენიებული, როგორც „მონაცემთა დაცვის პოლიტიკა“) და მოქმედი კანონმდებლობის შესაბამისად, რომლებიც წარმოადგენენ წინამდებარე შეთანხმების განუყოფელ ნაწილს და მოქმედებს მასთან ერთობლიობაში.

1. შესავალი დებულებები

შპს „პრაიმ რითეილ გრუპ“ არის კომპანია, რომელიც შესაძლებლობას აძლევს მომხმარებელს Aurelio.ge-ს საშუალებით შეიძინოს  წარმოდგენილი  პროდუქცია   და მიიღოს მომსახურება. წინამდებარე შეთანხმება (მონაცემთა დაცვის პოლიტიკასთან ერთად) ადგენს ზოგად პირობებს, რომლებიც არეგულირებს ვებ-გვერდის გამოყენებას და მასზე პროდუქციის/მომსახურების შეძენას. 

ვებ-გვერდი და მასზე ხელმისაწვდომი პროდუქტები/მომსახურებები მომხმარებლისათვის ხელმისაწვდომია წინამდებარე ხელშეკრულებაში და მონაცემთა დაცვის პოლიტიკაში ასახული დებულებების გაცნობის და დათანხმების პირობით (მათი ცვლილების გარეშე). შესაბამისად, ჩვენ მოგიწოდებთ, გაეცნოთ წინამდებარე დოკუმენტებს ვებ-გვერდის გამოყენებამდე. თუ არ ეთანხმებით ზემოაღნიშნული დოკუმენტებს, ან მათ დებულებებს, გთხოვთ, თავი შეიკავოთ ვებ-გვერდის გამოყენებისგან.

ვებ-გვერდზე რაიმე ფორმით წვდომით ან გამოყენებით, მომხმარებელი ეთანხმება შეთანხმების და მასში მოხსენიებული სხვა ნებისმიერი დოკუმენტის პირობებს. ნასყიდობაზე/შეკვეთაზე შეთანხმებისას, შეკვეთის გამფორმებელი პირი ეთანხმება შეთანხმების პირობებს.

მომხმარებლისთვის ცნობილი არის, რომ წინამდებარე შეთანხმება შესაძლოა განახლდეს/შეიცვალოს კომპანიის მიერ ცალმხრივად დროთა განმავლობაში, ხოლო ვებ-გვერდის გამოყენება მსგავსი ცვლილებების შემდეგ ნიშნავს, რომ იგი ეთანხმება განახლებულ/შეცვლილ შეთანხმებას. წინამდებარე შეთანხმებაში შეტანილი ნებისმიერი ცვლილება ამოქმედდება მისი გამოქვეყნებისთანავე. მომხმარებლებს შეეძლებათ შეთანხმების უახლეს ვერსიას გაეცნონ ვებ-გვერდზე.

შეთანხმებასთან ან/და მონაცემთა დაცვის პოლიტიკასთან დაკავშირებით კითხვების არსებობის შემთხვევაში დაგვიკავშირდით ვებ-გვერდის, ელექტრონული ფოსტის ან კომპანიის სოციალური ქსელების ოფიციალური ანგარიშების მეშვეობით.

შეთანხმება შესაძლოა გაფორმდეს ნებისმიერ ენაზე, რომელიც ხელმისაწვდომია ვებ-გვერდზე, მომხმარებლის არჩევნით. გთხოვთ გაითვალისწინოთ, რომ კომპანიას არ აქვს საშუალება რათა დარწმუნდეს, თუ რომელი ენები იცის მომხმარებელმა, შესაბამისად, ამ შეთანხმების მიზნებისთვის, რომელი ენაც არ უნდა აირჩიოთ ამ ან სხვა შეთანხმების/პოლიტიკის გასაცნობად, ჩაითვლება, რომ მომხმარებელს სრულად ესმის შესაბამისი დოკუმენტების შინაარსი.

2. ტერმინთა განმარტება

წინამდებარე შეთანხმებაში მოცემულ ტერმინებს აქვთ შემდეგი მნიშვნელობა:

• Aurelio/გამყიდველი/კომპანია/ჩვენ - შპს „პრაიმ რითეილ გრუპ”’, ს.ნ. 405118894;

• მომხმარებელი/მყიდველი - ნებისმიერი პირი, რომელიც სარგებლობს წინამდებარე ვებ-გვერდით, მათ შორის პლატფორმის ვიზიტორები, ფიზიკური პირები რომლებიც ათავსებენ შეკვეთას და მომსახურების მიმღებნი;

• შეთანხმება - წინამდებარე ვებ-გვერდის მოხმარებისთვის დადგენილი წესები, პირობები და განცხადებები, ნებისმიერ სხვა წესთან ან/და პირობასთან ერთად, რომელსაც ეს ხელშეკრულება შესაბამისი მითითებით მიიჩნევს ამ შეთანხმების ნაწილად და რომლებიც არეგულირებს მომხმარებლის მიერ ვებ-გვერდზე წვდომისა და მისი გამოყენების საკითხებს, მათ შორის, დაკავშირებულს ნებისმიერ შინაარსთან, ფუნქციასთან და მომსახურებასთან, რომელიც შეთავაზებულია ვებ-გვერდზე.

• მომსახურების/შეკვეთის ღირებულება - თანხა, რომელიც ფიქსირებულია „Aurelio“-ს მიერ, იმ პროდუქტ(ებ)ის / მომსახურებ(ებ)ის სანაცვლოდ, რომელსაც მომხმარებელი უკვეთავს;

• ანგარიში - მომხმარებლის მერ ვებ-გვერდზე რეგისტრირებული ანგარიში.

• ავტორიზაცია - მომხმარებლის მიერ პირად ანგარიშზე წვდომა.

• პროდუქცია/საქონელი - ვებ-გვერდზე გასაყიდად განთავსებული ნივთები

• მხარე - ერთ-ერთი მხარე კონტექსტის შესაბამისად.

• მხარეები- ორივე მხარე ერთად.

• ვებ-გვერდი - ვებ-გვერდი https://Aurelio.ge, შესაბამისი მობილურ აპლიკაციები, პლატფორმები  და კომპანიის ხელმისაწვდომი ყველა სხვა ალტერნატიულ არხი.

• ოპერაცია - მომხმარებლის მიერ პირად ანგარიშთან ან/და მომსახურებებთან დაკავშირებით  განხორციელებული ნებისმიერი ოპერაცია.

• უნივერსალური იდენტიფიკატორები - კომპანიის  მიერ მომხმარებლისათვის მიწოდებული მონაცემების ერთობლიობა, რომელთა გამოყენებითაც იგი რეგისტრირდება იდენტიფიკაციის სისტემაში და შესაძლებლობა ეძლევა ისარგებლოს კომპანიის  რიგი დისტანციური მომსახურებებით ან/და დისტანციური მომსახურების არხებით.

• წვდომის კოდები - კოდები, პაროლები, მომხმარებლის სახელი, საიდენტიფიკაციო კოდი, უნივერსალური იდენტიფიკატორები და/ან სხვა სახის კონფიდენციალური ინფორმაცია, რომელიც შესაძლოა კომპანიამ  მიაწოდოს მომხმარებელს სხვადასხვა მომსახურებაზე წვდომისათვის.

სისტემაში რეგისტრირებული იდენტიფიკატორები:

• მომხმარებლის სახელი – დისტანციური მომსახურების მისაღებად, ავტორიზაციის განხორციელებისათვის საჭირო, ცენტრალიზებული იდენტიფიკაციის სისტემის მიერ ავტომატურ რეჟიმში განსაზღვრული ერთ-ერთი პარამეტრი.

• პაროლი – ცენტრალიზებული დისტანციური მომსახურების მისაღებად ავტორიზაციის განხორციელებისათვის საჭირო ერთ-ერთი პარამეტრი, რომელსაც მომხმარებელი თვითონ განსაზღვრავს ცენტრალიზებული იდენტიფიკაციის სისტემაში რეგისტრაციისთანავე, კომპანიის მიერ შერჩეული დისტანციური მომსახურების არხ(ებ)ის ან კომუნიკაციის სხვა არხის საშუალებით. პაროლი ექვემდებარება შემდგომ განახლებას/ცვლილებას მომხმარებლის სურვილისამებრ.

• მობილური ტელეფონის ნომერი – ტელეფონის ნომერი, რომელზეც მომხმარებელი იღებს ცენტრალიზებული დისტანციური მომსახურებით განსაზღვრული ოპერაციების წარმოებისთვის საჭირო ერთჯერად წვდომის კოდებსა და ერთჯერად პაროლებს (ასეთის არსებობის შემთხვევაში).

• უნიკალურია მომხმარებლის ელექტრონული ფოსტის მისამართი - ელექტრონული ფოსტის მისამართი, რომელზეც მომხმარებელი იღებს ცენტრალიზებული დისტანციური მომსახურებით განსაზღვრული ოპერაციების წარმოებისთვის საჭირო წვდომის კოდებსა და პაროლებს (ასეთის არსებობის შემთხვევაში). ცენტრალიზებული დისტანციური მომსახურების მისაღებად მომხმარებელს შესაძლოა განესაზღვროს ავტორიზაციის განხორციელების ვალდებულება მარტივი (სახელისა (ელ. ფოსტა) და პაროლის გამოყენება) ან რთული (სახელის, პაროლისა და ერთჯერადი კოდის გამოყენება) ავტორიზაციის მეთოდით. ავტორიზაციის მეთოდი ყოველი შესაბამისი დისტანციური მომსახურების არხ(ებ)ის/მომსახურებებით სარგებლობისათვის ასევე რეგისტრირდება ცენტრალიზებული იდენტიფიკაციის სისტემაში.

მომსახურების გაუმჯობესებისა ან/და უსაფრთხოების მიზნებისთვის კომპანიამ შესაძლებელია განსაზღვროს დამატებითი ან განსხვავებული მომხმარებლის იდენტიფიკატორები.

3. მომხმარებლის განცხადებები, გარანტიები და ვალდებულებები

წინამდებარე წესებსა და პირობებზე თანხმობით, მომხმარებელი აცნობიერებს და ადასტურებს, რომ:

1. მომხმარებლის მიერ მოწოდებული ყველა ინფორმაცია არის უტყუარი, ზუსტი, ამჟამინდელი და სრული;

2. მომხმარებელი დაიცავს თავისი ანგარიშის ინფორმაციას (ასეთის არსებობის შემთხვევაში) და ზედამხედველობას გაუწევს მას. მომხმარებელი სრულად იქნება პასუხისმგებელი ამ ანგარიშის ნებისმიერი ფორმით გამოყენებაზე, მათ შორის მესამე პირების მიერ;

3. მომხმარებელი კისრულობს სრულ პასუხისმგებლობას მისი ანგარიშით განხორციელებულ ნებისმიერ ქმედებაზე. იმ შემთხვევაში, თუ პირი სხვისი სახელითა და მითითებით ახორციელებს წვდომას მომხმარებლის ანგარიშზე, იგულისხმება, რომ მას გააჩნია საკმარისი უფლებამოსილება, მომხმარებელს დააკისროს განსაზღვრული ვალდებულებები. კომპანია სრულად იხსნის პასუხისმგებლობას მესამე პირის მიერ მომხმარებლის ანგარიშზე წვდომისას დამდგარ ზიანზე;

4. მომხმარებლისთვის ცნობილი არის, რომ იმ შემთხვევაში, თუ იგი ვერ ინახავს ანგარიშის ინფორმაციას უსაფრთხოდ და ეს გამოიწვევს ანგარიშზე მესამე პირთა მიერ არაავტორიზებულ წვდომას, მომხმარებელს დაეკისრება პასუხისმგებლობა ასეთი წვდომით გამოწვეულ შედეგებზე. კომპანია სრულად იხსნის პასუხისმგებლობას მესამე პირის მიერ მომხმარებლის ანგარიშზე წვდომისას დამდგარ ზიანზე;

5. მომხმარებელი არის კანონმდებლობის შესაბამისად დაფუძნებული იურიდიული პირი ან 18 ან მეტი წლის, სრული და შეუზღუდავი ქმედუნარიანობის მქონე ფიზიკური პირი (ან 18 წლის ასაკს მიუღწეველი პირი, რომელსაც გააჩნია შესაბამისი პირებისგან  ნებართვა, იმისათვის რომ დადოს ეს ხელშეკრულება);

6. მომხმარებლის მიერ ვებ-გვერდის გამოყენება მიზნად ისახავს შემოთავაზებული სერვისების შესაძენად ლეგიტიმური შეკვეთების გაცემას;

7. მომხმარებელს აქამდე არ გაუუქმებია „Aurelio”-ს მიერ ან/და სხვაგვარად აეკრძალა ვებ-გვერდის გამოყენება და სერვისების შეძენა;

8. მომხმარებელი არის ქმედუნარიანი და აქვს სრული უფლებამოსილება იმისათვის, რომ დადოს და შეასრულოს ამ ხელშეკრულებით გათვალისწინებული ვალდებულებები;

9. გაეცნო წინამდებარე წესებს და პირობებს და ეთანხმება მათ;

10. დაუყოვნებლივ წერილობით აცნობებს „Aurelio”-ს  ყველა იმ გარემოებ(ებ)ის შესახებ, რომელიც შეიძლება წინააღმდეგობაში მოვიდეს მის აღნიშნულ განცხადებებთან ან/და გამოიწვიოს აღნიშნული გარანტიების დარღვევა;

11. თანახმაა, პირადი ანგარიშის გახსნის შემდგომ, „Aurelio”-მ მოიძიოს/გადაამოწმოს და დაამუშავოს (მათ შორის პირდაპირი მარკეტინგის მიზნებისთვის) მომხმარებლის მიერ მითითებული ან მასთან დაკავშირებული ნებისმიერი, მათ შორის პერსონალური ინფორმაცია ან/და უნივერსალური იდენტიფიკატორები;

12. მომხმარებელი იძლევა გარანტიას, რომ იგი შეუქმნის აუცილებელ პირობებს კომპანიას ვალდებულებების სათანადოდ შესასრულებლად (სწორი საბანკო ინფორმაციის, მისამართის მიწოდება და ა.შ.);

ვებ-გვერდის დიზაინზე, პროგრამული უზრუნველყოფის ნაკრებზე, ძირითად პროგრამულ კოდზე, პროგრამული უზრუნველყოფასა და სხვა მასალაზე ვრცელდება საავტორო და სხვა ინტელექტუალური საკუთრების უფლებები და შესაბამისად, ექვემდებარება დაცვას;

მომხმარებელი იღებს ვალდებულებას, რომ არ გამოიყენებს პროგრამულ უზრუნველყოფას, რომელიც აღჭურვილია ხელოვნური ინტელექტით მომსახურების გამოყენებასთან მიმართებაში;

მომხმარებელი ვალდებულია შეცვალოს მისი პაროლი და დაუყოვნებლივ დაუკავშირდეს „Aurelio”-ს მომხმარებელთა მომსახურების ცენტრს, იმ შემთხვევაში თუ მომხმარებელს აქვს საფუძვლიანი ეჭვი, რომ მის პირად ანგარიშზე შესასვლელი ინფორმაცია, პაროლი ან უსაფრთხოების სხვა წვდომის კოდ(ებ)ი ან საშუალებები იქნა მოპარული, დაკარგული, უკანონოდ მითვისებული, უნებართვოდ გამოყენებული ან სხვაგვარად მითვისებული. აღნიშნული ვალდებულების შეუსრულებლობა საფრთხეს შეუქმნის როგორც მომხმარებლის პირადი ანგარიშის უსაფრთხოებას, ასევე გამოიწვევს მის პასუხისმგებლობას ნებისმიერ ზარალთან დაკავშირებით.

მომხმარებელი ვალდებულია, უზრუნველყოს მის პირად ანგარიშზე არსებული ინფორმაციის სიზუსტე და მისი განახლება. კომპანია არ არის პასუხისმგებელი მომხმარებლის მიერ აღნიშნული ვალდებულების შეუსრულებლობით გამოწვეულ არანაირ ზიანზე. კომპანია უფლებამოსილია, ნებისმიერ დროს მოითხოვოს მომხმარებლისგან ინფორმაციის სისწორის დადასტურება ან დოკუმენტების ან სხვაგვარი მტკიცებულების წარმოდგენა.

4. ვებ-გვერდის გამოყენება

წინამდებარე ვებ-გვერდი და პროდუქტები, რომელიც ხელმისაწვდომია მასზე შეთავაზებულია მომხმარებლისთვის იმ პირობით, რომ ეს უკანასკნელი აცხადებს (მოდიფიცირების გარეშე) თანხმობას ყველა წესებზე, პირობებსა და განცხადებებზე, რომელიც ჩამოთვლილია ამ დოკუმენტში. ჩვენი ვებ-გვერდის ნებისმიერი ფორმით გამოყენებით, მომხმარებელი აცხადებს თანხმობას და ადასტურებს, რომ გაეცნო მოხმარებისთვის აუცილებელ პირობებს, გაიგო მათი შინაარსი და ეთანხმება მათ. ნებისმიერი შეკვეთის/შენაძენის გაკეთებისას, მიიჩნევა რომ პირი, რომელიც აკეთებს ამ შეკვეთას/შენაძენს, დაეთანხმა წინამდებარე შეთანხმებას, მათ შორის, იმ პირების ნაცვლადაც, რომლის სასარგებლოდაც აკეთებს შეკვეთას/შენაძენს.

კომპანია იტოვებს უფლებას, რომ მომავალში შეცვალოს ან რაიმე სხვა ფორმით მოახდინოს შეთანხმების ცვლილება, ხოლო მომხმარებელი აცნობიერებს და ეთანხმება, რომ ასეთი ცვლილების შემდეგ, მის მიერ ვებ-გვერდით განგრძობადი წვდომა ან გამოყენება, გამოხატავს მის თანხმობას განახლებულ ან შეცვლილ შეთანხმებაზე. კომპანია გამოაქვეყნებს შეთანხმებაში უკანასკნელი ცვლილების შეტანის თარიღს კომპანიის ოფიციალური ვებ-გვერდზე და ნებისმიერი ცვლილება ძალაში შევა მათი გამოქვეყნებისთანავე. კომპანია, რეგისტრირებულ მომხმარებლებს, მათ მიერ მითითებულ ელექტრონული ფოსტის მისამართზე შეტყობინების გაგზავნის ან ვებ-პორტალზე შეტყობინების გამოქვეყნების გზით, მიაწვდის ინფორმაციას შეთანხმებაში არსებითი/მნიშვნელოვანი ცვლილებების განხორციელების თაობაზე. მომხმარებელი ვალდებულია პერიოდულად ესტუმროს ვებ-გვერდს, რათა გაეცნოს შეთანხმების უახლეს ვერსიას.

5. ვებ-გვერდზე რეგისტრაცია და ავტორიცაზია, მომხმარებლის მიერ ანგარიშის შექმნა:

ვებ-გვერდით სრულყოფილად სარგებლობისათვის მომხმარებელი უფლებამოსილია ვებ-გვერდზე დაარეგისტრიროს პირადი ანგარიში და გაიაროს ავტორიზაცია. ანგარიშის გასახსნელად მომხმარებელი უნდა მიჰყვეს ვებ-გვერდზე განთავსებულ ინსტრუქციას: მიუთითოს მოთხოვნილი ინფორმაცია და საჭიროებისამებრ, გაიაროს ვერიფიკაცია.

ანგარიშის რეგისტრაცია:

რეგისტრაციისთვის მომხმარებელმა შესაბამის ველებში უნდა მიუთითოს: მომხმარებლის სახელი, გვარი, ელ. ფოსტა, ტელეფონის ნომერი და პაროლი, რომელიც იცის მხოლოდ მან და რომელსაც სისტემა არ ინახავს მას ღია სახით, არამედ ინახავს მის „ჰეშირებულ“ ვერსიას, რომელიც არ არის ხელმისაწვდომი არავისთვის გარდა მომხმარებლისა.

ანგარიშის შექმნისას მომხმარებლის მიერ მითითებული მონაცემების სიზუსტეზე სრული პასუხისმგებლობა ეკისრება მომხმარებელს.

რეგისტრაციის ღილაკზე დაჭერამდე მომხმარებელი ვალდებულია გაეცნოს წინამდებარე შეთანხმებას და მის დანართებს და მონიშნოს ღილაკი, რომლითაც იგი ეთანხმება ვებ-გვერდის წესებს, პირობებს და მონაცემთა დაცვის პოლიტიკას.

ანგარიშის დეტალების უსაფრთხო შენახვაზე პასუხისმგებლობა ეკისრება მომხმარებელს. იმ შემთხვევაში თუ მომხმარებელს აქვს ეჭვი, რომ მესამე პირს აქვს მისი ანგარიშის დეტალების შესახებ ინფორმაცია, მომხმარებელი ვალდებულია დაუყონებლივ შეცვალოს იგი ან დაუკავშირდეს კომპანიას.

ავტორიზაცია:

ანგარიშის რეგისტრაციისა და ვერიფიკაციის შემდეგ, ვებ-გვერდით სარგებლობისთვის მომხმარებელმა უნდა გაიაროს ავტორიზაცია.

ავტორიზაცია  ხორციელდება მომხმარებლის უნივერსალური იდენტიფიკატორების საშუალებით 

6. პირადი ანგარიშის დახურვა და სარგებლობის შეზღუდვა

კომპანია უფლებამოსილია მომხმარებელს ცალმხრივად, ელექტრონულ ფოსტაზე გაგზავნილი შეტყობინების საშუალებით, შეუწყვიტოს ან შეუზღუდოს უფლება, ისარგებლოს ვებ-გვერდით, თუ მიიჩნევს, რომ დაირღვა წინამდებარე წესებისა და პირობების მოთხოვნები.

მომხმარებელი უფლებამოსილია ნებისმიერ დროს მოითხოვოს ვებ-გვერდზე რეგისტრირებული პირადი ანგარიშის გაუქმება. ამისთვის მან კომპანიას მოთხოვნა უნდა გაუგზავნოს კომპანიის ელ. ფოსტაზე. ვებ-გვერდზე მომხმარებლის პირადი ანგარიში გაუქმდება კომპანიის მიერ მომხმარებლის მოთხოვნის მიღებიდან არაუგვიანეს 30 კალენდარული დღის ვადაში.

ვებ-გვერდზე რეგისტრირებული პირადი ანგარიშის გაუქმება არ იწვევს ხელშეკრულებით გათვალისწინებული კონფიდენციალურობის პოლიტიკის დებულებების შეწყვეტას.

ვებ-გვერდზე რეგისტრირებული პირადი ანგარიშის გაუქმება არ იწვევს მომხმარებლის პერსონალური მონაცემების ავტომატურ წაშლას. პერსონალური მონაცემების წასაშლელად მომხმარებელმა შესაბამისი მოთხოვნა უნდა გააგზავნოს კომპანიის ელ. ფოსტაზე. ასეთ შემთხვევაში, მომხმარებლის პერსონალური მონაცემები წაიშლება კომპანიის მიერ მომხმარებლის მოთხოვნის მიღებიდან 10 სამუშაო დღის ვადაში.

7. მომხმარებლისმიერ სასურველი პროდუქციის შერჩევა, შეკვეთის განთავსება და მიღება

მომხმარებელი ვებ-გვერდის საშუალებით გადადის მთავარ გვერდზე, საიდანაც მას შეუძლია სხვადასხვა ინფორმაციაზე წვდომა განთავსებული ნავიგაციის ღილაკების მეშვეობით.

ნავიგაციის ღილაკების საშუალებით მომხმარებელი ირჩევს მისთვის სასურველი პროდუქციის კატეგორიას, რის შემდეგაც მას საშუალება ეძლევა მოახდინოს მონაცემთა ფილტრაცია სასურველი პროდუქტის მახასიათებლების, ფასდაკლების ან/და სხვა შეთავაზებული მონაცემის მიხედვით.

მომხმარებელი  „კალათაში დამატების“ ღილაკის მონიშვნით ირჩევს და ათავსებს მისთვის სასურველ პროდუქტს საკუთარ კალათაში.

ყიდვის პროცედურის დასრულებამდე მომხმარებელი შესაბამის გვერდზე და შესაბამის ველებში მის შესახებ უთითებს შემდეგ ინფორმაციას: პირადი ნომერი ან საიდენტიფიკაციო კოდი, მობილურის ნომერი, ფაქტიური მისამართი, მისთვის სასურველ მიტანის და გადახდის მეთოდები. აღნიშნული ველების შევსების შემდეგ მყიდველს ეძლევა შესაძლებლობა დაასრულოს ყიდვის პროცედურა.

ყიდვის გვერდზე არსებული ველების შევსების შემდეგ გადახდის ღილაკზე დაჭერის შემდეგ მომხმარებელი გადამისამართდება ანგარიშსწორების გვერდზე, სადაც პროდუქტის ღირებულებას შესაძლოა დაემატოს სხვადასხვა სერვისის მომსახურების საფასური.

შეკვეთის გაგზავნის შემდეგ თქვენ შესაძლოა მიიღოთ დასტური შეკვეთის მიღების შესახებ („შეკვეთის დადასტურება“). ეს შეკვეთის დადასტურება არ წარმოადგენს ხელშეკრულების დადების დადასტურებას. იგი მხოლოდ შეიცავს ყველა საჭირო ინფორმაციას შეკვეთასთან დაკავშირებით.

პროდუქტის შეკვეთა დამოკიდებულია მის ხელმისაწვდომობაზე. თუ არსებობს სირთულეები პროდუქციის მიწოდებასთან დაკავშირებით ან იგი აღარ არის მარაგში, ჩვენ ვიტოვებთ უფლებას მოგაწოდოთ ინფორმაცია იმავე ან უფრო მაღალი ხარისხის და ღირებულების შემცვლელ პროდუქტებზე, რომლებიც შეგიძლიათ შეუკვეთოთ. თუ არ გსურთ შემცვლელი პროდუქტების შეკვეთა, ჩვენ აგინაზღაურებთ თანხას, რომელიც გადაიხადეთ ნივთის შესაძენად წინამდებარე შეთანხმების შესაბამისად.

ჩვენ არ ვართ ვალდებული დავდოთ ხელშეკრულება თქვენი შეკვეთის საფუძველზე. ჩვენ ვიტოვებთ უფლებას უარი ვთქვათ შეკვეთაზე (მაგ. თუ შეკვეთილი ნივთი აღარ არის ხელმისაწვდომი შეკვეთის დროს).

მომხმარებლის მიერ ვებ-გვერდის საშუალებით არჩეული ნივთი შეძენილად ითვლება და მომხმარებელს ნივთზე საკუთრების უფლება გადაეცემა მას შემდეგ, რაც ეს ნივთი კომპანიის მიერ მომხმარებელს ან მომხმარებლის მიერ ნდობით აღჭურვილ პირს (ვინაობა ფიქსირდება კომენტარის ველში), მითითებულ მიტანის ადგილას ჩაბარდება და მიმღები პირი ხელმოწერით დააფიქსირებს.

კომპანია  უფლებამოსილია, ცალმხრივად, თავისი შეხედულებისამებრ მოახდინოს მომხმარებლის მიერ განხორციელებული შეკვეთის გაუქმება.

თუ კომპანია გააუქმებს მომხმარებლის მიერ განხორციელებულ შესყიდვას, კომპანია ვალდებულია მომხმარებელს, იმავე ანგარიშზე და იმავე ოდენობით დაუბრუნოს თანხა, რაც მომხმარებელმა გადაიხადა კომპანიის მიერ შეკვეთის გაუქმებამდე.

შეკვეთა შესაძლოა დაკორექტირდეს მომხმარებელთან სატელეფონო კომუნიკაციით და შეკვეთის თანხებს შორის სხვაობის დამატებით ჩამოჭრას ან დაბრუნებას მომხმარებელი ადასტურებს კომპანიის ოპერატორთან სატელეფონო საუბრისას.

კომპანიის სამუშაო საათებია 10:00:00-18:00, თუ მომხმარებელი შეკვეთას განახორციელებს 18:00 საათის შემდეგ, შეკვეთის მიღება და დამუშავება მოხდება მომდევნო სამუშაო დღეს.

კომპანიის სამუშაო დღეებია ორშაბათიდან პარასკევის ჩათვლით. თუ მომხმარებელი შეკვეთას განახორციელებს შაბათ-კვირას ანდა საქართველოს კანონმდებლობით დადგენილ უქმე დღეებში, შეკვეთის მიღება და დამუშავება მოხდება ორშაბათს ან/და უქმე დღეების დასრულების მომდევნო დღეს.

8. შეძენილი პროდუქციის მიღების წესი

მომხმარებელი ვებ-გვერდის საშუალებით შეძენილი პროდუქციის მიღებას შეძლებს წინასწარ განსაზღვრული მიტანის სერვისის წესების მიხედვით. მიტანის სერვისი ხელმისაწვდომია მხოლოდ საქართველოს ტერიტორიაზე. კომპანია არ არის ვალდებული კლიენტს შესთავაზოს პროდუქციის მიტანის სერვისი. წინამდებარე სერვისის არსებობა/არარსებობაზე და მის პირობებზე ინფორმაცია მიეთითება ყოველი ინდივიდუალური შეკვეთის განთავსებისას, რა დროსაც მომხმარებელს ექნება შესაძლებლობა ისარგებლოს ან არ ისარგებლოს წინამდებარე სერვისით.

ვებ-გვერდი - Aurelio.ge - ზე შეძენილი პროდუქციის მიწოდება ხორციელდება მთელი საქართველოს მასშტაბით.

ნივთის ყიდვის დროს თქვენ შეგეძლებათ ვებ-გვერდზე მონიშნოთ შეძენილი ნივთის მიღების სასურველი დრო. თუ შეძენის დროს მსგავსი პირობა ვებ-გვერდის მეშვეობით არ იქნა შემოთავაზებული ჩვენი მომხმარებელთა მომსახურების ცენტრის ოპერატორი დაგიკავშირდებათ სამუშაო საათებში (ორშაბათი-პარასკევი) და შეათანხმებს მიწოდების დროს მყიდველთან. თუ აღნიშნულ დროს მყიდველი არ იქნება მის მიერ მითითებულ მისამართზე კომპანია ნივთს აბრუნებს კომპანიის საწყობში/მაღაზიაში, რომლიდანაც განხორციელდა ნივთის შესყიდვა და მყიდველი ვალდებულია სწორედ ამ მისამართიდან გაიტანოს შეძენილი ნივთი. საწყობის მისამართს, რომლიდანაც ხორციელდება კლიენტისათვის პროდუქციის მიწოდება ან კლიენტის მიერ პროდუქციის გატანა, კლიენტი ირჩევს ნივთის ყიდვის დროს შესაბამისი საწყობის მისამართის მონიშვნით.

თბილისის მასშტაბით მიწოდების ვადა არის არაუმეტეს 20 სამუშაო დღე, ხოლო რეგიონებში მიწოდება მოხდება არაუგვიანეს 30 სამუშაო დღის ვადაში.

ნივთის მიტანის დროს:

• თბილისის მასშტაბით და რეგიონებში მიწოდების ღირებულება განისაზღვრება ნივთის მოცულობისა (წონა/ზომა) და ადგილმდებარეობის მიხედვით.

მომხმარებელი ვალდებულია კურიერის თანდასწრებით, ხოლო საწყობიდან გატანის შემთხვევაში შესაბამისი ავტორიზებული პირის თანდასწრებით შეამოწმოს მიღებული ნივთები და მხოლოდ ამის შემდეგ მოაწეროს ხელი მიღება-ჩაბარების დოკუმენტს. მიღება-ჩაბარების დოკუმენტზე ხელის მოწერით ადასტურებს ჩამოთვლილი პროდუქციის სრულად და გარეგნულად უნაკლო მდგომარეობაში მიღებას.

შეკვეთის გაფორმებისას თქვენ ასევე შეგიძლიათ აირჩიოთ მიწოდების მეთოდი - „მაღაზიიდან გატანა“ და მონიშნოთ თქვენთვის სასურველი გატანის პუნქტი. პროდუქციის გატანამდე გთხოვთ თან იქონიოთ შეკვეთისა და გადახდის ქვითარი და პირადობის მოწმობა. შეკვეთის გატანა შესაძლებელია კონკრეტული მაღაზიის სამუშაო საათებში, რაც მითითებულია ონლაინ-მაღაზიის ვებგვერდზე.  კლიენტის მიერ მაღაზიიდან გატანის მეთოდით განთავსებული შეკვეთის რეზერვირება ხდება 24 საათით. ვადის გასვლის შემდგომ ნივთს მოეხსნება რეზერვაცია და თანხა დაგიბრუნდებათ ანგარიშზე.

მომხმარებლის მიერ პროდუქტის განვადებით ან/და უნაღდო ანგარიშსწორებით (ბარათით) შეძენის შემთხვევაში, შეძენილი პროდუქტის მიმღები/ჩამბარებელი შეიძლება იყოს:

• მომხმარებელი;

• მომხმარებლის მიერ მითითებული ნებისმიერი სხვა ქმედუნარიანი პირი;

თუ მომხმარებელს სურს რომ პროდუქცია მის ნაცვლად ჩაიბაროს სხვა პირმა, ასეთ შემთხვევაში, მან ყიდვის პროცედურის დასრულებამდე მომხმარებლის შესაბამის გვერდზე და შესაბამის ველებში (კომენტარის ველში) ჩამბარებელი პირის შესახებ უნდა მიუთითოს შემდეგი ინფორმაცია: სახელი გვარი, პირადი ნომერი და მობილურის ნომერი.

9. მომხმარებელსა და Aurelio-ს  შორის ანგარიშსწორება

მომხმარებელს შეუძლია ანგარიშსწორება განახორციელოს საკრედიტო ბარათით, რაც მოიცავს წინამდებარე წესებსა და პირობებზე თანხმობას.

საკრედიტო ბარათით გადახდისას გადარიცხვის მიმღები არის შპს „პრაიმ რითეილ გრუპ”;

მომხმარებელი „Aurelio“-სთან ანგარიშსწორებას ახდენს გადახდის შემდეგი მეთოდებით, რაც არ წარმოადგენს ამომწურავ ჩამონათვალს:

• VISA, MASTERCARD, AMERICAN EXPRESS ბარათით ვებგვერდზე https://aurelio.ge

• ონლაინ განვადებით;

• საბანკო გადარიცხვით;

• შემოთავაზებული საბანკო პროდუქტებით;

• ქულებით

ზემოხსენებული ჩამონათვალი არ არის ამომწურავი და ანგარიშსწორების კონკრეტული მექანიზმები. რომლით სარგებლობაც შეუძლია კლიენტს მითითებული იქნება ვებ-გვერდზე ყოველი ინდივიდუალური შეკვეთის გაკეთებისას.

კომპანია განსაზღვრავს მომსახურების ფასს (რომელიც მოიცავს დღგ-ს).

მხარეთა შორის ანგარიშსწორება ხორციელდება ლარში.

10. შეძენილი პროდუქციის გადაცვლის ან/და დაბრუნების პოლიტიკა:

„მომხმარებლის უფლებების დაცვის შესახებ“ საქართველოს კანონის მე-13 მუხლის თანახმად, მომხმარებელს უფლება აქვს, ყოველგვარი საფუძვლის მითითების გარეშე თქვას უარი ხელშეკრულებაზე და უკან დააბრუნოს შეძენილი ნივთი 14 კალენდარული დღის განმავლობაში, რომელიც აითვლება ნივთის მიღებიდან (ეს წესი არ ვრცელდება იურიდიულ პირებზე/მეწარმე სუბიექტებზე).

თუ გსურთ გააუქმოთ ონლაინ შეკვეთა გთხოვთ, მოგვწერეთ ელ-ფოსტის მისამართზე [email protected]; წერილში მიუთითოთ გაუქმების მიზეზი და თქვენი შეკვეთის მონაცემები. ხელშეკრულებაზე უარის თქმის უფლების დადგენილ ვადაში განხორციელების მტკიცების ტვირთი მომხმარებელს ეკისრება.

შეძენილი ნივთის დაბრუნების ან/და გადაცვლის მოთხოვნის შემთხვევაში მომხმარებელი ვალდებულია:

• წარუდგინოს კომპანიას გადახდის დამადასტურებელი და მყიდველის მაიდენტიფიცირებელი დოკუმენტი. 

• კომპანიას ან მის მიერ განსაზღვრულ მესამე პირს დაუბრუნოს საქონელი ნივთის დაბრუნების შესახებ შეტყობინების გაგზავნის შემდეგ დაუყოვნებლივ, მაგრამ არაუგვიანეს 7 კალენდარული დღისა.

• გასწიოს საქონლის დაბრუნებასთან დაკავშირებული ხარჯი სრულად. ნივთის ტრანსპორტირება უნდა განხორციელდეს იმ მისამართზე, საიდანაც განახორციელა ნივთის შეძენა მყიდველმა. 

• მომხმარებელი ვალდებულია სრულად დააბრუნოს ნივთები ყველა თანდართულ დოკუმენტთან ერთად.

ნივთის დაბრუნების მნიშვნელოვანი პირობაა რომ მას ჰქონდეს სასაქონლო სახე, ახლდეს ყველა მაკომპლექტებელი აქსესუარი და მათ შორის ბჟენები, ქარხნული იარლიყი და ყუთიც (ასეთის არსებობის შემთხვევაში).

კომპანია მომხმარებლის მიერ საქონლის უკან დაბრუნების მომენტიდან 14 კალენდარული დღის განმავლობაში, უკან დაუბრუნებს მომხმარებელს მის მიერ გადახდილ თანხას. 

თანხის დაბრუნება მოხდება გადახდის იმავე საშუალებებით, რომლებიც მომხმარებელმა გამოიყენა, გარდა იმ შემთხვევისა, როდესაც კომპანიას და მომხმარებელი გადახდის სხვა საშუალების გამოყენებაზე თანხმობას განაცხადებს.

მომხმარებლის მიერ საქონელზე უარის თქმა ავტომატურად იწვევს დაკავშირებული ხელშეკრულებიდან მის გასვლას და პირვანდელი მდგომარეობის აღდგენას.

ნივთის უნაკლო მდგომარეობა უნდა დაადასტუროს „Aurelio”-ის სერვის ცენტრმა;

დაბრუნებას არ ექვემდებარება: 

• გატეხილი, დახეული, გაბზარული, დაკაწრული ნივთები;

• ნივთები რომელთაც არ აქვთ გაყიდვამდელი სასაქონლო სახე;

• ნივთები არასრული კომპლექტაციით;

• ნივთები ქარხნული შესაფუთი ყუთის გარეშე;

• ფასდაკლების აქციაზე შეძენილი საქონლი

• გამოყენებული ნივთები;

• ჩამოფასებული პროდუქცია;

• ჰერმეტულად დაცული საქონელი, თუ მისი ჰერმეტულობა მიწოდების შემდეგ დაირღვა და, ამდენად, საქონლის დაბრუნება შეუძლებელია ჯანმრთელობის ან ჰიგიენური ნორმების დაცვის გამო;

• მიწოდებული საქონელი, რომელიც მიწოდების დროს, მისი მახასიათებლებიდან გამომდინარე, განუყოფლად შეერწყა სხვა საქონელს;

• პროდუქციის ჰიგიენიდან გამომდინარე: კოლგოტბი, წინდები, თმის აქსესუარები, სამკაული, საცურაო კოსტიუმი, თეთრეული, თეთრეულის აქსესუარი, საცვლები;

11. კანონისმიერი გარანტია:

კანონისმიერი გარანტიის პირობები ვრცელდება მხოლოდ იმ მომხმარებლებზე, რომლებიც არიან ფიზიკური პირები.

თუ შეძენილი პროდუქტი ნაკლის მქონე აღმოჩნდა, მომხმარებელს უფლება აქვს, კომპანიას მოსთხოვოს ნაკლის აღმოფხვრა (საქონლის უსასყიდლოდ შეკეთება ან შეცვლა, ფასის შემცირება) ან გავიდეს ხელშეკრულებიდან. 

საქონლის შეკეთება და შეცვლა მომხმარებლის პირველი რიგის უფლებებია.

მომხმარებელს უფლება აქვს, კომპანიას მოსთხოვოს საქონლის უსასყიდლოდ შეკეთება ან შეცვლა, გარდა იმ შემთხვევისა, როდესაც ეს, საქონლის ბუნებიდან გამომდინარე, შეუძლებელია ან არათანაზომიერ ან შეუსაბამოდ დიდ ხარჯს მოითხოვს ან თუ იდენტური ნივთი აღარ არის მარაგში.

საქონელი შეკეთებული ან შეცვლილი უნდა იქნეს გონივრულ ვადაში, ისე, რომ მომხმარებელს არ შეექმნას მნიშვნელოვანი შეფერხება საქონლის ბუნებისა და იმ მიზნის გათვალისწინებით, რომლისთვისაც მან ეს საქონელი შეიძინა.

საქონლის უსასყიდლოდ შეკეთება ან შეცვლა გულისხმობს კომპანიის მიერ ყველა ხარჯის (მათ შორის, ფოსტის, სამუშაო ძალისა და მასალების ხარჯების) გაწევას, რომლებიც საჭიროა საქონლის ხელშეკრულებით გათვალისწინებულ პირობებთან შესაბამისობის უზრუნველსაყოფად.

მომხმარებელს უფლება აქვს, მოითხოვოს საქონლის ფასის შემცირება ან უარი თქვას ხელშეკრულებაზე, თუ არსებობს ერთ-ერთი შემდეგი პირობა:

• საქონლის შეკეთება ან შეცვლა შეუძლებელია;

• კომპანიამ საქონელი გონივრულ ვადაში არ შეაკეთა ან არ შეცვალა და მომხმარებელმა ხელშეკრულების შესრულებისადმი ინტერესი დაკარგა;

• კომპანიის მიერ საქონლის შეკეთება ან შეცვლა მომხმარებელს მნიშვნელოვან შეფერხებას შეუქმნის.

მომხმარებელს უფლება აქვს, ხელშეკრულებიდან გასვლის შემთხვევაში მოითხოვოს ხელშეკრულების შეუსრულებლობით მიყენებული ზიანის ანაზღაურება საქართველოს კანონმდებლობით დადგენილი წესით.

მომხმარებელს არ აქვს უფლება, უარი თქვას ხელშეკრულებაზე, თუ საქონლის ნაკლი უმნიშვნელოა.

იმის განსაზღვრისას, თუ რამდენად არათანაზომიერია ან შეუსაბამოდ დიდია ხარჯი, გათვალისწინებული იქნება შემდეგი პირობები:

• საქონლის ან მომსახურების ფასი მისი ხელშეკრულებით გათვალისწინებულ პირობებთან შესაბამისობის შემთხვევაში;

• საქონლის ან მომსახურების ხელშეკრულებით გათვალისწინებულ პირობებთან შეუსაბამობის ხარისხი;

• საქონლის ნაკლის მომხმარებლისთვის შეფერხების შექმნის გარეშე აღმოფხვრის ალტერნატიული შესაძლებლობა.

მომხმარებელს უფლება აქვს, ისარგებლოს ზემოხსენებული უფლებებით, 14 კალენდარული დღის განმავლობაში.

საქონლის შეკეთება და შეცვლა მომხმარებლის პირველი რიგის უფლებებია. მომხმარებელს უფლება აქვს, მოვაჭრეს მოსთხოვოს საქონლის უსასყიდლოდ შეკეთება ან შეცვლა, გარდა იმ შემთხვევისა, როდესაც ეს, საქონლის ბუნებიდან გამომდინარე, შეუძლებელია ან არათანაზომიერ ან შეუსაბამოდ დიდ ხარჯს მოითხოვს.

მომხმარებელს არ აქვს უფლება, უარი თქვას ხელშეკრულებაზე, თუ საქონლის ნაკლი უმნიშვნელოა.

იმის განსაზღვრისას, თუ რამდენად არათანაზომიერია ან შეუსაბამოდ დიდია ხარჯი, გათვალისწინებული იქნება შემდეგი პირობები: ა) საქონლის ან მომსახურების ფასი მისი ხელშეკრულებით გათვალისწინებულ პირობებთან შესაბამისობის შემთხვევაში; ბ) საქონლის ან მომსახურების ხელშეკრულებით გათვალისწინებულ პირობებთან შეუსაბამობის ხარისხი; გ) საქონლის ნაკლის მომხმარებლისთვის შეფერხების შექმნის გარეშე აღმოფხვრის ალტერნატიული შესაძლებლობა.

12. კომერციული გარანტია

მეწარმე/იურიდიული პირების და ორგანიზაციების მიერ   შეძენილ  პროდუქციას (გარდა „საგარანტიო პირობები არ ვრცელდება“ პუნქტისა) აქვს მწარმოებლის მიერ დადგენილი გარანტია, რომელიც განსხვავდება პროდუქტისა და მწარმოებლის მიხედვით.  

13. საგარანტიო მომსახურება არ ვრცელდება (როგორც კანონისმიერ ისე კომერციულ გარანტიაზე) იმ შემთხვევაში თუ:

გასულია საგარანტიო ვადა;

არ არის წარმოდგენილი შესყიდვის დამადასტურებელი დოკუმენტი (ქვითარი, სასაქონლო ზედნადები და ა.შ.);

დარღვეულია მწარმოებლის/გამყიდველის მიერ ნივთზე თანდართული შენახვისა და მოხმარების წესი;

ნივთზე არ იკითხება ან ამძვრალია სერ/ნომერი, ან სხვა უნიკალური საიდენტიფიკაციო ნიშანი;

ნივთს აღენიშნება ვიზუალური ან  მექანიკური დაზიანება/დეფექტი, რამაც გამოიწვია ნივთის დაზიანება;

ნივთი გამოიყენებოდა მისი  დანიშნულების შეუსაბამო მიზნ(ებ)ით, არასაყოფაცხოვრებო დანიშნულებისათვის;

დაზიანებულია ან ამძვრალია პლომბი ან ლუქი (ასეთის არსებობის შემთხვევაში);

 დაზიანება გამოწვეულია ნივთში უცხო სხეულის ან სითხეების შეღწევით; 

- ნივთის შეკეთების ან შეცვლის შემთხვევაში, საგარანტიო ვადის დინება ხელახლა არ დაიწყება, ნივთის თავდაპირველ საგარანტიო ვადას დაემატება შეცვლის ან შეკეთების პერიოდი.

14. მონაცემთა დამუშავების პირობები:

პროდუქციის ჩვენი ვებ-გვერდიდან შეკვეთით/შეძენით, მომხმარებელი აცნობიერებს, რომ იგი ეთანხმება ჩვენს მონაცემთა დაცვის პოლიტიკას წინამდებარე შეთანხმებას. გარდა ამისა, მომხმარებელი იძლევა გარანტიას, რომ იგი 18 წელს მიღწეული პირია და აქვს შესაბამისი სამართლებრივი უფლებამოსილება, რომ იყოს ამ შეთანხმების მხარე, გამოიყენოს ვებ-გვერდი, განახორციელოს შეკვეთის განთავსება და ასევე, რომ მის მიერ წარმოდგენილი ინფორმაცია არის უტყუარი და ზუსტი. მომხმარებელი აქვე იძლევა გარანტიას, რომ ვებ-პორტალზე ხელმისაწვდომი შეძენის ფუნქციას, გამოიყენებს მხოლოდ მისთვის ან სხვა პირების სასარგებლოდ, რომლებმაც მომხმარებელს მიანიჭეს შესაბამისი უფლებამოსილება. ნებისმიერი ცრუ ან თაღლითური ტიპის შეკვეთა/შენაძენი აკრძალულია და ნებისმიერ მომხმარებელს, რომელიც ასეთ ქმედებას ჩაიდენს, შესაძლოა გაუუქმდეს მისი ანგარიში და განთავსებული შეკვეთა.

15. ცვლილებები და განახლებები:

პერიოდულად, ფასები, ასაკობრივი ბარიერები, მომსახურების გავრცელების საზღვრები და სხვა პროდუქტებთან დაკავშირებული საკითხები და წინაპირობები შესაძლებელია გადაიხედოს. შედეგად, კომპანია იტოვებს უფლებას, ნებისმიერ დროს და ნებისმიერი მიზეზით, გააუქმოს, შეცვალოს ან ჩაანაცვლოს ნებისმიერი სერვისი ან პროდუქტი, რომელიც მომხმარებელმა მომავალში შესაძენად დაჯავშნა (მათ შორის, განათავსა „კალათაში“). ასეთ შემთხვევებში, თუკი მომხმარებელს ექნება პრეტენზია იმ ალტერნატიული პროდუქტის მიმართ, რომელსაც შევთავაზებთ, მას ექნება უფლება, მოითხოვოს მის მიერ თავდაპირველი ფასით შეძენილი პროდუქტის თანხის დაბრუნება. მიუხედავად ხსენებულისა, როდესაც ასეთი ცვლილებები შედის ძალაში, ჩვენ გადავდგამთ ყველა გონივრულ ნაბიჯს იმისათვის, რომ მათ შესახებ შევატყობინოთ მომხმარებელს.

16. ჩვენი პასუხისმგებლობა:

„Aurelio” არ არის პასუხისმგებელი და არ იძლევა გარანტიას, რომ ვებ-გვერდი ან/და მომსახურება იქნება მუდმივად ხელმისაწვდომი ან არ ექნება პროგრამული შეცდომები.

კომპანიის პასუხისმგებლობა შეზღუდულია მხოლოდ მეორე მხარისთვის მიყენებული პირდაპირი ზიანით.

„Aurelio” არ არის პასუხისმგებელი:

• ნაკლის მქონე პროდუქტის რეალიზაციის შედეგად ან სხვა ნებისმიერი მიზეზით დამდგარი არაპირდაპირი ზიანისთვის, რაც მათ შორის, მოიცავს რეპუტაციისათვის მიყენებულ ზიანს, მიუღებელ შემოსავალს, ბიზნესის დანაკარგს ან სხვა ნივთობრივ დანაკარგს.

• მომხმარებლის მიერ განხორციელებული შესყიდვის ნებისმიერი მიზეზით გაუქმებისას დამდგარი პირდაპირი ან არაპირდაპირი ზიანისთვის.

• მომხმარებლის ან/და ნებისმიერი პირის წინაშე, სახელშეკრულებო ან/და ნებისმიერი სახის ზიანისთვის, რომელიც რაიმე ფორმით დაკავშირებული არის, მომხმარებლის მიერ საიტზე არსებული ნებისმიერი ბმულის გამოყენებასთან. კომპანია არ არის პასუხისმგებელი ინტერნეტ ვებ-გვერდის ბმულის შინაარსზე, რომელზეც მომხმარებელი გადამისამართდება ვებ-გვერდიდან ან მისი მომსახურებიდან.

• ხელშეკრულების ან/და ვებ-გვერდის ცვლილების, ვებ-გვერდზე წვდომის შეზღუდვის ან შეწყვეტისთვის.

• თუ ვებ-გვერდი არ იმუშავებს გამართულად, ოპერაციის, ტრანზაქციის ან ტრანსმისიის შეფერხების ან შეწყვეტის, მონაცემების ან კონტაქტის ან ხაზების დაკარგვის ან დაზიანების, მესამე პირთა მიერ საიტის ან მისი შემადგენლობის მესამე პირთა მიერ უკანონო გამოყენების, ან ნებისმიერ კომპანიის კონტროლს მიღმა არსებული გარემოების შემთხვევაში.

თუ რაიმე შეცდომა გამოიწვევს მომხმარებლის მოგების ან მომხმარებლისთვის გადასახდელი მოგების გაზრდას, მომხმარებელს არ აქვს უფლება მიიღოს ასეთი მოგება. მომხმარებელმა დაუყოვნებლივ უნდა შეატყობინოს „Aurelio”-ს  ასეთი შეცდომის შესახებ და დაუბრუნოს ასეთი შეცდომის შედეგად მომხმარებლის ანგარიშზე ჩარიცხული ყველანაირი მოგება (კომპანიის  მითითების შესაბამისად) ან კომპანიამ  შესაძლოა, თავისი შეხედულებისამებრ, ჩამოაჭრას მომხმარებელს ანგარიშიდან აღნიშნული მოგების ოდენობით თანხა.

„Aurelio“ პასუხისმგებელია:

• მომხმარებლის წინაშე პირად ანგარიშზე ოპერაციების წარმოების სისწორესა და დროულობაზე წინამდებარე პირობებით განსაზღვრული წესებისა და მოქმედი კანონმდებლობის შესაბამისად.

• პირად ანგარიშზე წარმოებული ოპერაციების შესახებ ინფორმაციის კონფიდენციალურობაზე, გარდა კანონმდებლობით და წინამდებარე ხელშეკრულებით გათვალისწინებული შემთხვევებისა.

17. “Aurelio” უფლებამოსილია:

იმ შემთხვევაში, თუ მომხმარებელს აქვს დავალიანება კომპანიის მიმართ (პორტალი აფიქსირებს გადაუხდელ ინვოისებს), ეს უკანასკნელი უფლებამოსილია მომხმარებლის ნებისმიერი გადახდა (იმის მიუხედავად, თუ რომელი ინვოისის დასაფარად არის გამიზნული ეს გადახდა) მიმართოს ძველი დავალიანებების დასაფარად.

მომხმარებლის მხრიდან წინამდებარე შეთანხმების პირობების დარღვევის შემთხვევაში ან/და შესაბამისი სასამართლო აქტის საფუძველზე შეუზღუდოს ან/და შეუჩეროს მომხმარებელს სერვისების მიწოდება/მომსახურების გაწევა;

ჩვენ შეგვიძლია ნებისმიერ დროს შევწყვიტოთ შეთანხმება, თუ:

• მომხმარებლის მიერ დარღვეული იქნა ანგარიშსწორების ვადა 1 (ერთი) დღეზე მეტი ვადით.

• არ მოგვაწოდებთ ჩვენ მიერ მოთხოვნილი ინფორმაციას გონივრულ ვადაში, რომელიც აუცილებელია ჩვენ მიერ სერვისის უზრუნველსაყოფად;

• არ გვაძლევთ უფლებას გონივრულ ვადაში მოგაწოდოთ მომსახურება; და

• წინამდებარე შეთანხმებით და კანონმდებლობით განსაზღვრულ შემთხვევებში.

18. ვალდებულებები/პასუხისმგებლობები

თუ წინამდებარე შეთანხმებით სხვა რამ არ არის გათვალისწინებული, ჩვენი პასუხისმგებლობა ჩვენი ვებ-გვერდის მეშვეობით შეძენილ ნებისმიერ პროდუქტთან/სერვისთან დაკავშირებით შემოიფარგლება მკაცრად აღნიშნული სერვისის/პროდუქტის შეძენის ფასით.

კანონიერად დაშვებული ზომით და თუ წინამდებარე შეთანხმების დებულებები არ მიუთითებს სხვაგვარად, ჩვენ არ ვიღებთ პასუხისმგებლობას შემდეგ დანაკარგებზე, მიუხედავად მათი წარმოშობისა:

1. შემოსავლის ან გაყიდვების დაკარგვა;

2. საოპერაციო დანაკარგი;

3. მოგების ან კონტრაქტების დაკარგვა;

4. საპროგნოზო დანაზოგის დაკარგვა;

5. მონაცემთა დაკარგვა; და

6. ბიზნესის ან მართვის დროის დაკარგვა.

ჩვენ არ ვიქნებით პასუხისმგებელი ზარალზე, რომელიც გამოწვეულია ვირუსებით ან სხვა ტექნოლოგიურად მავნე პროგრამებით, რომლებიც შესაძლოა იყოს თქვენ კომპიუტერში.

19. დაუძლეველი ძალა

მხარეები თავისუფლდებიან პასუხისმგებლობისაგან წინამდებარე შეთანხმებით დადგენილი ვალდებულებების სრული ან/და ნაწილობრივი შეუსრულებლობისათვის, თუკი ეს გამოწვეულია დაუძლეველი ძალის მოქმედებით, რომლის დროსაც შეუძლებელია ხსენებული ვალდებულებების შესრულება (შემდგომში: "ფორსმაჟორი").

მხარეები თანხმდებიან, რომ დაუძლეველი ძალაში იგულისხმება გარემოებები, რომლებიც არ არსებობდნენ წინამდებარე შეთანხმების გაფორმების დროს და რომელთა დადგომა და მათზე ზემოქმედება მხარეებს არ შეეძლოთ, კერძოდ: საგანგებო ან სამხედრო მდგომარეობა, სამოქალაქო ომი ან მასობრივი არეულობა, გაფიცვა, ლოკაუტი ან პროტესტის სხვა ფორმები, ხანძარი, აფეთქება, ქარიშხალი, წყალდიდობა, მიწისძვრა, მეწყერი, ეპიდემია ან სხვა სტიქიური უბედურება, საომარი მოქმედებები და სამთავრობო ორგანოების მოქმედება, დაკავშირებული საკანონმდებლო აქტების მიღებასა და ცვლილებებთან, რომლებიც აუარესებენ წინამდებარე ხელშეკრულების სუბიექტების სამართლებრივ სტატუსს და რეჟიმს.

ვალდებულებები, რომლებიც გამომდინარეობს ამ შეთანხმებიდან და აქ მოხსენიებული ნებისმიერი სხვა დოკუმენტიდან, შეჩერებულია იმ პერიოდის განმავლობაში, რა დროსაც სახეზეა ფორს-მაჟორული გარემოება.

მხარემ, რომლისთვისაც ფორს-მაჟორული გარემოებების დადგომის გამო შეუძლებელი შეიქმნა ვალდებულებების შესრულება, ვალდებულია დაუყოვნებლივ, მაგრამ ყველა შემთხვევაში არაუგვიანეს 5 (ხუთი) კალენდარული დღისა ამ გარემოებების დადგომიდან და დასრულებიდან, წერილობით აცნობოს მეორე მხარეს.

მომხმარებელი აცნობიერებს და თანახმაა, რომ ფორს-მაჟორის სრული პერიოდის განმავლობაში შეთანხმების მოქმედება შეჩერებულია, მანამ სანამ ორივე მხარეს არ მოეხსნება ფორს-მაჟორული გარემოებებით გამოწვეული შეზღუდვები და ხელშეკრულებით გათვალისწინებული ვალდებულებების შესრულებისათვის ხელისშემშლელი გარემოებების მოქმედება.

თუ დაუძლეველი ძალის მოქმედება გაგრძელდა 30 (ოცდაათი) კალენდარულ დღეზე მეტ ხანს, ან თუ აშკარაა, რომ იგი გაგრძელდება 30 (ოცდაათი) კალენდარულ დღეზე მეტ ხანს, მხარეებმა უნდა გადაწყვიტონ შრომითი ხელშეკრულების შეწყვეტის საკითხი.

20. მარეგულირებელი სამართალი და დავის გადაწყვეტა

ნებისმიერი საკითხი, რომელიც არ არის დარეგულირებული წინამდებარე ხელშეკრულებით, წესრიგდება საქართველოს კანონმდებლობის შესაბამისად.

ხელშეკრულების შესრულების ადგილს წარმოადგენს შპს „პრაიმ რითეილ გრუპ”-ის იურიდიული მისამართი.

ნებისმიერი დავა, წარმოშობილი წინამდებარე ხელშეკრულებიდან ან მასთან დაკავშირებით, მათ შორის ნებისმიერი საკითხი ხელშეკრულების არსებობის, ნამდვილობასა და შეწყვეტის შესახებ განხილვისა და საბოლოო გადაწყვეტილების მიღების მიზნით უნდა გადაეცეს თბილისის საქალაქო სასამართლოს.

21. შეთანხმების მოქმედების ვადა და შეწყვეტა

წინამდებარე ხელშეკრულება ძალაში შედის მომხმარებლის მიერ ვებ-გვერდით სარგებლობის დაწყებისთანავე და ძალაში რჩება მომხმარებლის რეგისტრაციის გაუქმებამდე.

22. დასკვნითი დებულებები:

ხელშეკრულების მუხლები, პუნქტები და ქვეპუნქტები დანომრილია და დასათაურებულია მხოლოდ მოხერხებულობისათვის და ამ ფაქტს ხელშეკრულების ინტერპრეტაციისათვის მნიშვნელობა არ ენიჭება.

მოთხოვნის შემთხვევაში მომხმარებელი ვალდებულია კომპანიას  მიაწოდოს ნებისმიერი დამატებითი ინფორმაცია და, ასევე, წარმოადგინოს შესაბამისი დოკუმენტაცია, რომელსაც კომპანია მოითხოვს და საჭიროა წინამდებარე შეთანხმებით ნაკისრი ვალდებულებების შესასრულებლად ან/და განსაზღვრულია საქართველოს კანონმდებლობით.

ხელშეკრულების რომელიმე დებულების ბათილად ცნობის შემთხვევაში, ხელშეკრულების დანარჩენი დებულებები ინარჩუნებს იურიდიულ ძალას. ბათილი დებულების ნაცვლად, გამოიყენება ისეთი დებულება, რომლითაც უფრო ადვილად მიიღწევა ხელშეკრულებით (მათ შორის ბათილი დებულებით) გათვალისწინებული მიზანი.

მომხმარებელი, კომპანიის  წერილობითი თანხმობის გარეშე, არ არის უფლებამოსილი ამ შეთანხმებიდან გამომდინარე უფლებები და მოთხოვნები გადასცეს ან ვალდებულებები გადააკისროს სხვა პირს.

ამ შეთანხმების დანართებზე (ასეთის არსებობის შემთხვევაში) სრულად ვრცელდება შეთანხმების მუხლების, პუნქტების და ქვეპუნქტების მოქმედება.

იმ შემთხვევაში თუ მომხმარებელსა და კომპანიას შორის გაფორმებულია რაიმე დამატებით სხვა სახის ხელშეკრულება, უპირატესობა ენიჭება ამ შეთანხმებას.

მომხმარებელი ვალდებულია დაუყოვნებლივ აცნობოს კომპანიას ამ შეთანხმებაში მითითებული საკონტაქტო და საბანკო დეტალებში ცვლილებების შესახებ.

წინამდებარე შეთანხმების ყველა დანართი, პროცედურები, დებულებები წარმოადგენს მის არსებით შემადგენელ და განუყოფელ ნაწილს.

მხარეები ადასტურებენ, რომ შეთანხმების ხელმოწერისას ისინი მოქმედებდნენ გონივრული განსჯის შედეგად, წინასწარ გაეცნენ შეთანხმებას, სრულად ესმით შეთანხმების პირობების შინაარსი და ისინი სათანადოდ იქნა შესწავლილი მხარეთა მიერ.